O‘zbekistonga haftaning ikkinchi yarmida salqin havo massasi kirib kelishi boshlanadi

Haftaning birinchi yarmida O‘zbekiston hududi bo‘yicha quruq va biroz issiq ob-havo saqlanib turadi, deb xabar bermoqda “O‘zgidromet”.

Qayd etilishicha, kuz faslining boshi uchun me’yoriy qiymatlardan biroz iliqroq bo‘ladi, havo harorati kechalari 15-20 daraja, kunduz kunlari 34-39 daraja atrofida bo‘ladi.

Haftaning ikkinchi yarmida O‘zbekiston hududiga salqin havo massasi kirib kelishi boshlanadi. Havo harorati kechalari 13-18 darajagacha, kunduz kunlari 30-35 darajagacha pasayadi. 7—9-sentabr kunlari faqat Qoraqalpog‘iston tumanlari bo‘yicha qisqa muddatli yomg‘ir yog‘ish ehtimoli bor.

6-sentabr kuni shimolda, 7—8-sentabr kunlari respublikaning cho‘l hududlarida shamol 15-20 metr/sekundgacha kuchayadi.