Madridning “Real” klubi bosh murabbiyi Karlo Anchelotti Kilian Mbappega bo‘layotgan tanqidlarga nisbatan o‘z fikrlarini bildirib o‘tdi.
“U mashg‘ulotlarni yaxshi o‘tkazmoqda, biroq har birimiz singari qiyin davrlarni boshidan o‘tkazmoqda. Boshqalarga o‘xshabm Kilian ham bu vaziyatni imkoniyat sifatida qabul qilishi va diqqatini jamlab, xarakter ko‘rsatishi lozim. Xuddi shunday tarzda muammolarni hal etishi kerak.
Hozircha Mbappe o‘zining eng yaxshi formasini namoyish eta olmayapti. U muvaffaqiyatga erishishiga ishonaman”, — deydi Anchelotti.
Kilian Mbappe joriy mavsum “Real” safida barcha musobaqalarda 15 ta o‘yin o‘tkazib, 8 ta gol va 2 ta golli uzatmaga mualliflik qildi.
Izoh (0)