25 yoshli fransiyalik hujumchi Kilian Mbappe tez orada “Real”ni tark etishi mumkin.
Defensacentral xabariga ko‘ra, Mbappe “PSJ”dan ko‘chib o‘tganidan keyin o‘zini klubda baxtli his qilmayapti va u hali unga qo‘yilgan umidlarni oqlamayotganini tushunmoqda. Angliya grandi “Liverpul” bundan unumli foydalanishga tayyor. “Qizillar” transfer “bomba”sini tayyorlamoqda va fransuz futbol yulduzi uchun “Real”ga 150 million yevro taklif qilishi mumkin.
Manba shuningdek, hamma narsaga qaramay, fransiyalik futbolchi kelajagini Madrid klubida ko‘rayotganini aniqlagan.
La Liganing joriy mavsumida Mbappe “Real” safida o‘nta o‘yinda maydonga tushib, 6 ta gol urdi.
Yetakchi OAV xabarlariga ko‘ra, Angliya klubining so‘nggi yillardagi yetakchisi va asosiy yulduzi Muhammad Saloh yozda klubni tark etishi kerak.
Ma’lumot uchun, Mbappe shu yozda “Real Madrid” jamoasiga kelib qo‘shildi va erkin agent sifatida shartnoma imzoladi.
Izoh (0)