Madridning “Real” klubi kiyim almashtirish xonasida hujumchi Kilian Mbappening ayrim harakatlaridan norozilar paydo bo‘lgan, deya xabar bermoqda Relevo.
Manbaning yozishicha, bunga fransiyalik futbolchining himoyada yetarlicha harakat qilmayotgani sabab bo‘lmoqda. “Barselona”ga qarshi bahsda Kilian atigi 8 kilometr yugurgan. Futbolchilar ushbu nomutanosiblikka e’tibor qaratgan va uni qanday o‘zgartirishni muhokama qilgan.
Shu sababdan boshqa futbolchilar himoyada ko‘proq ishlashiga to‘g‘ri kelgan. Asosiy “qurbon” esa Jud Bellingem edi. Ingliz futbolchisi endi avvalgidan ko‘ra ko‘proq yugurishiga to‘g‘ri kelmoqda. Jamoadagilar Kilianning o‘ziga ko‘proq tanqidiy qarashini va himoyachilar bilan ishlash ham muhimligini tushunishini istaydi.
Murabbiylar shtabi esa muammoni hal qilish bo‘yicha ish olib bormoqda. Ulardan biri Mbappe va Vinisius Junior o‘rtasidagi himoya funksiyalarini almashtirish. Bunda braziliyalik birinchi bo‘lib, darvozabon va markaziy himoyachilarga bosim o‘tkazadi, fransuz esa o‘ng qanot himoyasini yopadi.
Mbappe joriy mavsum La Ligada 10 ta o‘yinda maydonga tushib, 6 ta gol va bitta golli uzatmaga mualliflik qildi.
Izoh (0)