Мадриднинг “Реал” клуби бош мураббийи Карло Анчелотти Килиан Мбаппега бўлаётган танқидларга нисбатан ўз фикрларини билдириб ўтди.
“У машғулотларни яхши ўтказмоқда, бироқ ҳар биримиз сингари қийин даврларни бошидан ўтказмоқда. Бошқаларга ўхшабм Килиан ҳам бу вазиятни имконият сифатида қабул қилиши ва диққатини жамлаб, характер кўрсатиши лозим. Худди шундай тарзда муаммоларни ҳал этиши керак.
Ҳозирча Мбаппе ўзининг энг яхши формасини намойиш эта олмаяпти. У муваффақиятга эришишига ишонаман”, — дейди Анчелотти.
Килиан Мбаппе жорий мавсум “Реал” сафида барча мусобақаларда 15 та ўйин ўтказиб, 8 та гол ва 2 та голли узатмага муаллифлик қилди.
Изоҳ (0)