AQSH harbiylari Minuteman 3 qit’alararo ballistik raketasini sinovdan o‘tkazdi. Bu haqda AQSHning Kaliforniyada joylashgan Vandenberg kosmik kuchlari bazasi xabar berdi.
Harbiy-havo kuchlari va harbiy-dengiz kuchlari uchuvchilari qo‘shma guruhi mahalliy vaqt bilan soat 23:01 da jihozlanmagan ballistik raketani uchirgan. Parvoz AQSHda 5-noyabr kuni mamlakat prezidentini saylash uchun saylov uchastkalari yopilganidan ko‘p o‘tmay amalga oshirilgan.
Qayd etilishicha, sinovlar “mamlakatning qudratli salohiyatini ta’kidlaydi”.
“Bu kabi sinovlar 300 martadan ko‘proq o‘tkazilgan va bu sinov hozirgi dunyo voqealari oqibati emas”, deya ta’kidladi matbuot xizmati.
AQSH harbiy-havo kuchlari ushbu sinov bir necha yil oldin rejalashtirilganini qo‘shimcha qilgan.
- Qo‘shma Shtatlar 1970-yilda xizmatga kirgan Minutemen 3 raketalarini uch bosqichli Sentinel qit’alararo ballistik raketasiga almashtirishni rejalashtirmoqda. Sentinel raketalari 2030-yilda xizmatga kiritilishi kutilmoqda.
Avvalroq KXDR harbiylari “Hvasong-19” qit’alararo ballistik raketasini sinovdan o‘tkazgan, u 7 ming kilometr balandlikka ko‘tarilgan va parvoz masofasi 1000 kilometrni tashkil etgan. KXDR, Janubiy Koreya va Yaponiya harbiylari raketa Shimoliy Koreyaning ilgari uchirilgan boshqa raketalaridan balandroq uchganini qayd etgan.
Izoh (0)