АҚШ ҳарбийлари Minuteman 3 қитъалараро баллистик ракетасини синовдан ўтказди. Бу ҳақда АҚШнинг Калифорнияда жойлашган Ванденберг космик кучлари базаси хабар берди.
Ҳарбий-ҳаво кучлари ва ҳарбий-денгиз кучлари учувчилари қўшма гуруҳи маҳаллий вақт билан соат 23:01 да жиҳозланмаган баллистик ракетани учирган. Парвоз АҚШда 5 ноябрь куни мамлакат президентини сайлаш учун сайлов участкалари ёпилганидан кўп ўтмай амалга оширилган.
Қайд этилишича, синовлар “мамлакатнинг қудратли салоҳиятини таъкидлайди”.
“Бу каби синовлар 300 мартадан кўпроқ ўтказилган ва бу синов ҳозирги дунё воқеалари оқибати эмас”, дея таъкидлади матбуот хизмати.
АҚШ ҳарбий-ҳаво кучлари ушбу синов бир неча йил олдин режалаштирилганини қўшимча қилган.
- Қўшма Штатлар 1970 йилда хизматга кирган Minuteman 3 ракеталарини уч босқичли Sentinel қитъалараро баллистик ракетасига алмаштиришни режалаштирмоқда. Sentinel ракеталари 2030 йилда хизматга киритилиши кутилмоқда.
Аввалроқ КХДР ҳарбийлари “Ҳвасонг-19” қитъалараро баллистик ракетасини синовдан ўтказган, у 7 минг километр баландликка кўтарилган ва парвоз масофаси 1000 километрни ташкил этган. КХДР, Жанубий Корея ва Япония ҳарбийлари ракета Шимолий Кореянинг илгари учирилган бошқа ракеталаридан баландроқ учганини қайд этган.
Изоҳ (0)