Tel-Aviv va Vashington Eronga qarshi harakatlari uchun albatta javob oladi, dedi Eron oliy rahbari Ali Xomanaiy. Bu haqida ICANA axborot agentligi xabar qildi.
“Dushmanlar – xoh Isroil rejimi bo‘lsin, xoh AQSH – Eronga, Eron xalqiga va qarshilik frontiga qilgan ishlari uchun albatta qattiq javob oladi”, dedi u.
O‘tgan hafta Isroil armiyasi yahudiy davlatiga 1-oktyabrda uyushtirilgan hujumlarga javob tariqasida Erondagi harbiy obyektlarga zarbalar berishini ma’lum qilgan edi.
CBS News o‘z manbasiga tayanib, Isroilning Eronga hujumi faqat harbiy nishonlar bilan chegaralangani va yadroviy yoki neft obyektlariga taalluqli emasligini xabar qildi.
IRNA xabariga ko‘ra, Eronning neft sanoati obyektlaridan hech biri zarar ko‘rmagan. Amerikaning Axios portali manbalarga tayanib, Isroilning zarbasi Eronda ballistik raketalar ishlab chiqarish tizimiga zarar yetkazganini ma’lum qildi. Jumladan, uzoq masofali ballistik raketalar uchun qattiq raketa yoqilg'isini ishlab chiqarishda ishlatiladigan qurilmalar ishdan chiqqani aytildi.
Ammo Eron tomoni buni tasdiqlamagan.
Izoh (0)