Respublikachilar partiyasidan prezidentlikka nomzod, Oq uyning sobiq rahbari Donald Tramp, agar oliy davlat lavozimiga saylansa, hazil tariqasida davlat qarzini bitkoinlar bilan to‘lashga buyruq berishi mumkinligini aytdi.
“Biz kriptovalyutada 35 trillion dollar to‘lashimiz mumkin. Men 35 trillion kriptovalyuta ajratish haqida yozaman, tamom – bizda qarz yo‘q”, dedi Tramp mablag‘ yig‘ish tadbirlaridan birida.
Respublikachi kriptovalyutaning “buyuk kelajagi”ga ishonishini qo‘shimcha qilgan.
Kongressning Byudjet byurosi prognozlariga ko‘ra, AQSH davlat qarzi 2034-yilga borib 50,7 trillion dollargacha ko‘tariladi. Bu ko‘rsatkich AQSH yalpi ichki mahsulotining 122 foiziga teng.
Iyul oyi oxirida AQSH davlat qarzi birinchi marta 35 trillion dollardan oshdi. Vakillar palatasi qo‘mitasi materialida aytilishicha, AQSH prezidenti Jo Bayden 2021-yilda lavozimga kirishganidan beri davlat qarzi 7,25 trillion dollarga oshgan.
Avvalroq Tramp o‘zining saylovoldi kampaniyasi uchun mablag‘ yig‘ish tadbirida nutq so‘zlab, “kriptoprezident” bo‘lish niyatini ma’lum qilgan edi.
Izoh (0)