Yaqin Sharqdagi mojaroning yanada kuchayishi AQSHning raketa arsenalini tugatishi mumkin. Bu haqda The National Interest xabar berdi.
Unga ko‘ra, mintaqada kuchayib borayotgan qarama-qarshilik “AQSHning raketa arsenallarini xonavayron qilishi mumkin, bu esa mamlakatning Yevropa va Osiyodagi bazalar va harbiy inshootlarni zaif holga keltiradi”.
Gap, xususan, kemalarga o‘rnatilgan Amerikaning SM-3 zenit raketasi haqida ketmoqda, ularning katta qismi Qizil dengizda Yaman husiylariga zarba berish uchun ishlatilgan.
Avvalroq Pentagon mintaqada keskinlik kuchaygan bir paytda Eron ballistik raketalarining ehtimoliy hujumini qaytarish uchun Isroilga THAAD (Terminal High Altitude Area Defence) raketaga qarshi mudofaa tizimlarini yuborgan edi. Nashrning yozishicha, u Isroilning “Strela” tizimi yoniga joylashtiriladi. Pentagon matbuot kotibi general Patrik Rayderning bayonotiga ko‘ra, THAAD tizimi va unga aloqador amerikalik qo‘shinlar guruhining joylashtirilishi Isroil havo mudofaasini kuchaytirishga yordam beradi.
SM-3 va THAAD “AQSHning Tinch okeanidagi bazalarini Xitoydan va Yevropadagi bazalarini Rossiyadan himoya qilish qobiliyati uchun” muhim ekanligi hisobga olinsa, Vashington “tez orada ustuvorliklar borasida qiyin tanlovga duch kelishi mumkin”, deb yozadi The National Interest.
Izoh (0)