Indoneziya poytaxti Jakarta yaqinidagi yog‘ zavodida sodir bo‘lgan yirik yong‘inda sakkiz kishi halok bo‘ldi. Bu haqda mahalliy yong‘in xavfsizligi idoralari xabar berdi.
Hukumat ma’lumotlariga ko‘ra, 20 ga yaqin o‘t o‘chirish mashinasi voqea joyida va zavodning aksariyat hududlarida yong‘inni o‘rab olgan.
Ijtimoiy tarmoqlarda Jakartaning sharqiy chekkasida joylashgan Bekasi shahridagi binodan alanga va ko‘tarilayotgan qora tutun aks etgan kadrlar tarqaldi. Qayd etilishicha, zavod atrofidagi yo‘llar yopilgan.
Bekasining o‘t o‘chirish bo‘limi boshlig‘i barcha jasadlar evakuatsiya qilinganini, uch kishi jarohatlanganini ma’lum qilgan.
“Ammo qurbonlar soni hali ortishi mumkin”, deydi u.
Mahalliy hukumat yong‘in sabablarini o‘rganmoqda.
Izoh (0)