Indoneziya poytaxti Jakartada davlat xizmatchilarining yarmiga yaqini uydan ishlay boshladi. Bu hukumatning transport tirbandligini kamaytirish va havo ifloslanishining oldini olish bo‘yicha ko‘rayotgan choralari bilan bog‘liq.
Heru shahri gubernatori Budi Xartononing buyrug‘iga ko‘ra, amaldorlarning yarmi masofaviy ishlashga o‘tishi kerak, sentabrdan boshlab oktabr oyining oxirigacha esa ularning ulushi 75 foizgacha oshadi.
Bu choralar davlat idoralari xodimlariga taalluqli bo‘lib, shifoxonalar, qutqaruv va yong‘in xavfsizligi xizmatlari, jamoat transporti tizimida ishlaydigan ishchilar bundan mustasno, deb xabar bermoqda CNN.
10,5 million aholi istiqomat qiladigan Jakartada havo sifati oxirgi kunlarda sezilarli darajada yomonlashdi.
Shveysariyaning havo sifatini o‘rganuvchi kompaniyasi yaqinda Indoneziya poytaxtini dunyodagi eng ifloslangan shahar deb topgandi.
Mart oyida Xitoy poytaxti Pekinda ham havoning ifloslanishi kritik darajaga yetdi va normadan to‘qqiz baravar oshib ketgani xabar qilingandi.
Izoh (0)