Pokistonda 11 ta davlat elchilariga hamrohlik qilayotgan politsiya mashinasi portladi. Bu haqda Qozog‘iston Tashqi ishlar vazirligi rasmiy vakili Aybek Smadiyarov ma’lum qildi.
Hodisa 22-sentabr kuni Xayber-Puxtunxva provinsiyasida sodir bo‘lgan. Oqibatda uch politsiyachi yaralangan, bir nafari halok bo‘lgan.
Elchimiz shu kolonna tarkibida edi. Na u, na boshqa chet el el elchilari zarar ko‘rdi, ular xavf-xatardan xoli. Hamma elchilar Islomobodga qaytishdi. Elchilar Islomobod Savdo-sanoat palatasi tomonidan tashkil etilgan turizm bo‘yicha konferensiyada ishtirok etish uchun Svat shahriga yo‘l olgan, dedi Smadiyorov.
Pokiston Tashqi ishlar vazirligiga ko‘ra, favqulodda holat qo‘lbola portlovchi qurilma tomonidan portlatilgan zamonaviy politsiya mashinasida sodir bo‘lgan. Geo telekanali manbasi delegatsiya tarkibida Rossiya, Qozog‘iston, Portugaliya, Efiopiya, Indoneziya, Tojikiston, Eron va boshqa davlatlar elchilari bo‘lganini yozmoqda.
Hozircha hech bir terrorchilik guruhi hujum uchun javobgarlikni o‘z zimmasiga olmagan. Hujum allaqachon Pokiston prezidenti Asif Ali Zardoriy tomonidan qoralanib, “terrorchi unsurlar nafaqat mamlakat va millatning, balki butun insoniyatning dushmani” ekanini aytgan.
Izoh (0)