Indoneziyada futbolchi o‘yin vaqtida hakamning jag‘iga zarba berdi.
Hodisa Indoneziya milliy o‘yinlari doirasidagi uchrashuvlardan birida sodir bo‘ldi. Uchrashuv bosh hakami “Markaziy Sulavesi” jamoasi darvozasiga penalti belgiladi, shundan so‘ng futbolchilardan biri uning jag‘iga kuchli zarba yo‘lladi. Jabrlanuvchi maysazorga yiqildi va u keyinchalik tez yordam mashinasida olib ketilgan.
Raqib jamoa belgilangan penaltini golga aylantira olmadi, biroq oradan bir necha daqiqa o‘tib bosh hakamni almashtirgan zaxira hakami “Sulavesi” darvozasiga yana bir penalti belgiladi. Bu vaqtga kelib 9 kishi bilan o‘ynayotgan jamoa hakamning 11 metrlik nuqtani ko‘rsatganidan norozi bo‘lib o‘yinni davom ettirishdan bosh tortdi va ularga texnik mag‘lubiyat yozildi.
Indoneziya futbol federatsiyasining ma’lum qilishicha, hakamni urgan futbolchi jazolanadi. Shuningdek, o‘yin hakamining uchrashuvda chiqargan qarorlari yuzasidan tekshiruv ishlari olib boriladi.
Izoh (0)