Indoneziyaning Banten provinsiyasi Tangerang shahridagi qamoqxonada sodir bo‘lgan yong‘in tufayli 40 dan ortiq odam halok bo‘ldi. Bu haqda Adliya va inson huquqlari vazirligining qamoqxona bo‘limi matbuot kotibi Rika Apriantga tayanib, “Interfaks” xabar berdi.
Matbuot kotibining so‘zlariga ko‘ra, hodisada 41 kishi vafot etgan. O‘nlab odamlar yaralangan.
Apriantning aniqlik kiritishicha, yong‘in tunda sodir bo‘lgan, hozir evakuatsiya ishlari olib borilmoqda. Shuningdek, yong‘in sabablari o‘rganilmoqda.
Yong‘in chiqqan blokda giyohvand moddalar bilan bog‘liq jinoyatlar uchun hukm qilingan 122 kishi bor edi. Apriant yong‘in paytida binoda jami qancha odam bo‘lganiga aniqlik kiritmadi, lekin qamoqxona gavjum bo‘lganini tasdiqladi.
Indoneziya hukumatining sentabr oyidagi ma’lumotiga ko‘ra, Tangerang qamoqxonasida 2000 dan ortiq mahbus jazo o‘tagan, ammo aslida bino 600 kishiga mo‘ljallangan edi.
Avvalroq Isroilda olti nafar terrorchi mahbus mamlakat shimolidagi Gilboa qamoqxonasidan qochib ketgandi. Mahbuslar tunnel yordamida qochib ketgan. Ularning besh nafari “Islomiy jihod” terrorchilik tashkilotining faollari, oltinchisi esa FATH terrorchilarining yetakchilaridan biri Zaxariya Zubaydiy bo‘lgan. Ta’kidlanishicha, aynan Zubaydiy qochishni tashkillashtirgan bo‘lishi mumkin.
Izoh (0)