Eron poytaxti Tehronda joylashgan eng yirik qamoqxona — Evinda kuchli portlash va yong‘in sodir bo‘ldi, deb xabar bermoqda Fars axborot agentligi.
Mahalliy aholi kamida to‘rtta portlash ovozini eshitgan.
Agentlikning qayd etishicha, yong‘in qamoqxonaning tikuv sexi bo‘limida yuzaga kelgan. Hodisaga moliyaviy jinoyatlar va o‘g‘rilikda ayblangan bir necha mahkumlar o‘rtasidagi mojaro sabab bo‘lgan. Fars xabariga ko‘ra, qamoqxona rahbariyatining tezkor harakatlari tufayli yong‘in darhol o‘chirilgan.
Evin qamoqxonasidagi yong‘in oqibatida sakkiz kishi jabrlandi, deya xabar bermoqda IRNA agentligi tez yordam xizmati xodimiga tayanib.
“Ushbu hodisada halok bo‘lganlar yo‘q, sakkiz kishi jarohat oldi”, — deya manbaning so‘zlaridan iqtibos keltirgan agentlik.
Izoh (0)