Gondurasda Karib dengizida joylashgan Guanaxa orolida katta yong‘in oqibatida 200 dan ziyod bino yonib ketdi. Bu haqda The Guardian nashri xabar tarqatgan.
“Yong‘in oqibatida halok bo‘lganlar yo‘q, biroq hodisa oqibatida orol aholisiga katta miqdorda moddiy zarar yetgan”, – degan Gonduras favqulodda vaziyatlar milliy agentligi rahbari va favqulodda holatlar milliy tizimi vaziri Maks Gonsales.
Uning so‘zlariga ko‘ra yong‘inlar oqibatida to‘rt nafar odam jarohatlangan.
Qayd etilishicha yong‘in 2-oktabr kuni tongotarga yaqin vaqtda boshlangan. Orolda yong‘in o‘chirish xizmati yo‘qligi tufayli mahalliy aholi vaziyatni nazorat ostiga olishga uringan. Ammo yong‘inni o‘chirishning imkoni bo‘lmagan va favqulodda holatni bartaraf etish uchun samolyotlarda harbiylar jalb qilingan.
Avval Ruminiyadagi COVID-kasalxonada yong‘in chiqib, 9 kishi halok bo‘lgani, Shimoliy Makedoniyada COVID-kasalxonadagi yong‘in oqibatida kamida 10 nafar odamning o‘lgani, Indoneziya qamoqxonasida yong‘in chiqib, 40 dan ortiq odam halok bo‘lgani, shuningdek, iyun oyida Karib dengizining Puerto-Riko orolida yong‘in tufayli 400 ming kishi elektrsiz qolgani haqida xabarlar berilgan.
Izoh (0)