Mahalliy (O‘zb)

Ramazon to‘lin oyi, yoqilayotgan jasadlar, Toyota Camry bilan taqdirlangan itboqar. 26-aprel suratlari

Dunyo va O‘zbekiston bo‘ylab 26-aprel kuni olingan qiziqarli suratlarni namoyish qilamiz.

Angliyaning Sli daryosida suv ichayotgan o‘rdakcha.

Toshkentdagi “Shayx Zayniddin” (Ko‘kcha) masjidi hovlisida tarovih namozi o‘qish uchun yig‘ilgan musulmonlar. Respublika maxsus komissiyasi va Din ishlari bo‘yicha qo‘mitaning tavsiyasidan so‘ng masjidlarda tarovih namozlari ochiq havoda o‘qilmoqda.

Mavzuga doir: O‘zbekistonda o‘qilgan Ramazonning ilk juma namozi — suratlarda

Ashxobodda turkman musiqachilari Alabay iti kuniga bag‘ishlangan tadbirlarda chiqish qilmoqda.

Ketma-ket joriy qilingan lokdaundan keyin asta-sekin karantin cheklovlari yumshatilayotgan Italiyada ofitsiant ochiq havoda stol tuzayapti.

Mavzuga doir: Rimda Sezar o‘ldirilgan joy birinchi marta sayyohlar uchun ochiladi

Londondagi mamlakat bosh vaziri qarorgohi joylashgan Dauning-strit bo‘ylab ketayotgan tulki.

Mavzuga doir: OAV: Buyuk Britaniyada “dushman davlatlardan” himoyalanish to‘g‘risida qonun joriy etiladi

Maxsus 2-sonli Zangiota shifoxonasining reanimatsiya xonasida koronavirusga chalinib, og‘ir ahvolda yotgan bemorning yotoq o‘rni tepasida ilib qo‘yilgan, katta ehtimol bilan, farzandlari tomonidan chizilgan surat. Unda “Biz sizni yaxshi ko‘ramiz va kutyapmiz”, deb yozilgan.

Mavzuga doir: Zangiota yuqumli kasalliklar shifoxonasida davolanayotgan bemorlarga vaksina qilinadimi?

Buddist rohibalar Bangkokdagi ibodatxonada gazeta o‘qib o‘tiribdi.

Buyuk Britaniyadagi Haddersfild tepaliklarida sodir bo‘layotgan yong‘in fonida qo‘zichog‘i bilan yotgan qo‘y.

Toshkent shahrida kunbotar mahali osmonda ko‘rinish bergan to‘lin oy.

Hindistonda koronavirus oqibatida vafot etganlarning jasadini yoqish uchun mo‘ljallangan ochiq krematoriy. Mamlakatda COVID-19 bilan kunlik kasallanish soni ketma-ket to‘rtinchi kun rekord darajaga yetdi: mamlakatda o‘tgan bir sutkada 349,6 ming kishida infeksiya aniqlandi, 2624 nafar bemor esa vafot etdi.

Mavzuga doir: Isroilda emlanganlarda yurak shamollashi kuzatilmoqda, Eron o‘z vaksinasini ishlab chiqarishga kirishdi, Tailandda koronavirus avj oldi. Koronaxabarlar

Turkmanistonda Oqxon laqabli itga xalqaro tanlovning bosh sovrini — “2021-yilning eng dovyurak turkman alabayi” mukofoti topshirildi. Uni tarbiyalagan davlat chegara xizmatida xizmat qiluvchi harbiyga Toyota Camry avtomobili topshirildi.

Mavzuga doir: Gurbanguli Berdimuhamedov o‘z o‘g‘lini “Turkmanistonda xizmat ko‘rsatgan itboqar” unvoni bilan taqdirladi

Ispaniyalik tennischi Rafael Nadal Barselonadagi turnir finalida Stefanos Sitsipas ustidan qozonilgan g‘alabani nishonlamoqda.

Toshkent shahrida “migalka” va “sirena”si yoqilgan tez yordam avtomobili svetofordan o‘tmoqda.

Mavzuga doir: O‘zbekistonda “tez yordam”ning bitta chaqirig‘i uchun necha pul ajratilayotgani ma’lum qilindi

Shotlandiyada karantin cheklovlari yengillashtirilishi ortidan Kelvingrouv muzeyi Rojdestvo kunidan beri birinchi marta tashrif buyuruvchilarga o‘z eshiklarini ochdi.

Falastinning Xamas xavfsizlik kuchlari bitiruv marosimida o‘z mahoratini namoyish qilmoqda.

Shotlandiyada koronavirus cheklovlari yumshatilgani sabab ko‘chada milliy cholg‘u asbobida musiqa chalayotgan erkak.

Chernobil AES falokatining 35 yilligi munosabati bilan stansiya ishchilari yashagan Slavutich shaharchasi ko‘chasida radioaktiv modda belgisi shaklida yoqilgan shamchiroqlar.

Mavzuga doir: Chernobil AESdagi fojiadan keyin 35 yil o‘tdi. Falokat zonasining hozirgi ko‘rinishi — suratlarda

Indoneziyada mamlakat flotining suvosti kemasi <a href= — Indoneziyada mamlakat flotining suvosti kemasi cho‘kib ketishi oqibatida halok bo‘lgan 53 nafar ekipaj a’zosi nomlari yozilgan gulchambarlar okeanga oqizildi.

Mavzuga doir: Indoneziya sohillarida yaqinida g‘oyib bo‘lgan suvosti kemasi uch qismga bo‘linib ketgan holda topildi (foto)

Islomoboddagi zargarlik do‘koni ishchisi do‘kon devoriga reklama o‘rnatyapti.

Toshkent shahrida sodir bo‘lgan vayronkor zilzilaga 55 yil bo‘ldi. Suratda 1966-yilgi zilzila oqibatlarini bartaraf etganlar sharafiga yasalgan Jasorat monumenti. Yodgorlik 1976-yilda o‘rnatilgan. Monumentning bir qismi bo‘lgan qora granitli kubdagi yoriq zilzilani ifodalaydi. Uning bir tomoniga zilzila bo‘lgan kun sanasi yozilgan bo‘lsa, ikkinchi tomonida yer silkinishi sodir bo‘lgan vaqt (05:23) ko‘rsatib o‘tilgan.

Germaniyada gullagan lolalar orasida turgan it.

Istanbuldagi Avliyo Sofiya masjidi fonida ko‘rinib turgan Ramazonning to‘lin oyi.

AQShdagi ot sportining asosiy voqealaridan biri – Kentukki derbisiga tayyorlanayotgan tulpor.

Shveysariyada ochiq osmon ostidagi Bad-Ragarts istallyatsiyalar ko‘rgazmasi ochilish marosimiga tayyorgarlik ko‘rilmoqda.

Yekaterinburgda itlar o‘rtasida ko‘pkurash chempionati bo‘lib o‘tdi.

Nyu-York shahrida emlash maydonchasiga aylantirilgan Tabiat tarixi muzeyi shiftiga osilgan ko‘k kit modeli.

Mavzuga doir: O‘zbekistonda koronavirusga qarshi emlanganlar soni 550 ming kishiga yaqinlashdi

Belgiyaning Al-syur-Semua qishlog‘ida uyning devoridagi teshikdan yuzini chiqarib turgan itga qarab turgan bolakay.

Quddusdagi falastinliklar va Isroil harbiylari bilan bo‘layotgan to‘qnashuvlar vaqtida politsiya zobiti quroldan o‘t ochmoqda.

Birlashgan Arab Amirliklari politsiyasi a’zolari Dubaydagi savdo majmuasi oldida iftorlikdan keyin namoz o‘qimoqda.

Avvalgi kunlarning fotogalereyalari:

26.04.2021, 23:58 Izoh (0) 36577

Mavzuga doir

Turkiyaga kirish uchun joriy etilgan shartlar 31-mayga qadar uzaytirildi

26.04.2021, 23:34

Abdulla Aripov va Tojikiston bosh vaziri Qohir Rasulzoda Xo‘jandda uchrashdi

26.04.2021, 23:10

O‘zbekistonda aholi bandligini ta’minlash bo‘yicha uch oyda qanday ishlar qilindi? Ishsizlar-chi, ular qanday qo‘llab-quvvatlanmoqda?

26.04.2021, 22:55

O‘zbekistonda pensiya va nafaqa oluvchilar soni ma’lum qilindi

26.04.2021, 22:45

“Chiroqchi voqeasi” bo‘yicha yana 2 nafar IIB xodimi 3 yil muddatga ozodlikdan mahrum qilingani aytilmoqda

26.04.2021, 22:39

O‘zbekistonda “tez yordam”ning bitta chaqirig‘i uchun necha pul ajratilayotgani ma’lum qilindi

26.04.2021, 22:08

Izoh (0)

Javob qoldiring

Daryo.uz | Sizning muammoingiz yechimi

Ortiqcha to‘lamang. O‘zbekistonga qulay takliflar bilan pul yuboring

Havas Holding Malayziya kompaniyalari bilan 200 mln dollardan ortiq qiymatdagi shartnomalarni imzoladi

APEX INSURANCE sayohat sug‘urtasi: dunyoning istalgan nuqtasida ishonchli hamrohingiz

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Nukusda “Mehnat va samara” 1-Xotin-qizlar forumi o‘tkazildi

Samsung Electronics kompaniyasi yangi Galaxy flagmanlarining taqdimotini o‘tkazdi

Ikki ekran, cheksiz imkoniyatlar: ASUS Zenbook Duo 2025 tahlili

Uzbekistan Airways yo‘lovchilari Batumiga parvoz qilishlari mumkin

Uzbekistan Airways sizga Riga, Parij, Tbilisi va Bokuni kashf etishingizni taklif qiladi

“Biznesni rivojlantirish banki” mijozlar uchun biznes-tushlik tashkil qildi

Mobiuz’dan mehr bilan: Surxondaryo viloyatidan bo‘lgan g‘olib abonentga BYD avtomobili topshirildi

Ucell Toshkent metrosiga tushmoqda

payme: nima uchun to‘lov ilovalari shaxsni tasdiqlashni so‘raydi?

NRG Yangi Baxt: Light 3-bosqichining sotuvlari boshlanmoqda — avtomobil narxidagi xonadon!

Xon Saroy: navbatdagi loyiha o‘z egalariga topshirilmoqda