Индонезия пойтахти Жакарта яқинидаги ёғ заводида содир бўлган йирик ёнғинда саккиз киши ҳалок бўлди. Бу ҳақда маҳаллий ёнғин хавфсизлиги идоралари хабар берди.
Ҳукумат маълумотларига кўра, 20 га яқин ўт ўчириш машинаси воқеа жойида ва заводнинг аксарият ҳудудларида ёнғинни ўраб олган.
Ижтимоий тармоқларда Жакартанинг шарқий чеккасида жойлашган Бекаси шаҳридаги бинодан аланга ва кўтарилаётган қора тутун акс этган кадрлар тарқалди. Қайд этилишича, завод атрофидаги йўллар ёпилган.
Бекасининг ўт ўчириш бўлими бошлиғи барча жасадлар эвакуация қилинганини, уч киши жароҳатланганини маълум қилган.
“Аммо қурбонлар сони ҳали ортиши мумкин”, дейди у.
Маҳаллий ҳукумат ёнғин сабабларини ўрганмоқда.
Изоҳ (0)