Kuchli qurg‘oqchilik tufayli Indoneziyaning Bali orolida hukumat favqulodda holat e’lon qildi.
Bali gubernatori vazifasini bajaruvchi Sanga Made Mahendraning aytishicha, iyuldan oktyabrgacha davom etayotgan quruq ob-havo 113 ta qishloqda suv tanqisligiga va 10ta tumanda, jumladan, provinsiya poytaxti Denpasarda yong‘in yuzaga kelishiga sabab bo‘lgan.
Avvalroq Indoneziya prezidenti Joko Vidodo mamlakatdagi yong‘inlarni o‘chirishga harbiylar va politsiya jalb etilishini aytgan edi.
2023-yil mart oyida Bali hukumati sayyohlarga motosikllarni ijaraga olishni, shuningdek, tog‘larga chiqishni taqiqlagandi. Avgust oyida mamlakatda kelasi yildan boshlab xorijliklardan turistik soliq undirilishi maʼlum qilindi.
Izoh (0)