Jizzax viloyatining G‘allaorol tumani hududidan o‘tuvchi M-39 “Toshkent—Termiz” avtomobil yo‘lining 1029 km da 27-sentyabr kuni soat taxminan 13:50 larda “KamAZ” yonib ketdi. Bu haqda viloyat IIB JXX Yo‘l harakati xavfsizligi boshqarmasi axborot xizmati xabar berdi.
Maʼlum qilinishicha, Samarqand viloyatida yashovchi 1983-yilda tug‘ilgan haydovchi “KamAZ” rusumli yuk tashuvchi transport vositasini “Samarqand—Toshkent” yo‘nalishi bo‘yicha boshqarib ketayotgan vaqtda avtomashinaning dvigatel qismida qisqa tutashuv yuz bergan.
Natijada yuk mashinasida yong‘in chiqqan va u to‘liq yonib ketgan. Yong‘in oqibatida haydovchi va boshqa shaxslarga tan jarohati yetmagan.
9-sentyabr kuni Toshkent shahrining Olmazor tumani Chimboy ko‘chasida “Vaz-2104” avtomashinasi yonib ketgani haqida xabar berilgandi. Shuningdek, sentyabr oyi avvalida Mirobod tumanida ustunga urilgan Cobalt yonib ketgani xabar qilingandi.
Izoh (0)