Japan Airlines (JAL) aviakompaniyasining yo‘lovchi samolyoti Tokiodagi Xaneda xalqaro aeroportiga qo‘nayotganda yonib ketdi. Bu haqda NHK telekanali xabar berdi.
367 nafar yo‘lovchi va ekipaj a’zolarining barchasi yonayotgan laynerdan evakuatsiya qilindi.
JAL yo‘lovchi samolyoti Yaponiya qirg‘oq xavfsizlik xizmati samolyoti bilan to‘qnashib ketgan bo‘lishi mumkin, deb xabar bermoqda Kyodo o‘t o‘chiruvchilarga tayanib. Qirg‘oq xavfsizlik xizmati samolyoti bortidagi besh ekipaj a’zosining ahvoli noma’lum.
JAL samolyoti bortida 300 dan ortiq yo‘lovchi bo‘lgan, deya ma’lum qildi aviakompaniya Reuters agentligiga. Samolyot Xokkaydodagi Titose aeroportidan Tokioga uchib kelgan edi.
Yaponiya Yer, infratuzilma, transport va turizm vazirligi tergov ishlari olib borilayotganini ma’lum qildi.
Izoh (0)