Andijon viloyati Shahrixon tumanida Cobalt mashinasi yonib ketdi. Bu haqda viloyat YHXB axborot xizmati xabar berdi.
Ma’lum qilinishicha, holat 30-noyabr kuni soat 17:35 larda, Shahrixon tumani “Qo‘rg‘oncha” MFY hududidan o‘tuvchi, xalqaro ahamiyatga molik A-373 avtomobil yo‘lida sodir bo‘lgan. 1987-yilda tug‘ilgan, fuqaro E.X.ga tegishli bo‘lgan Cobalt’ning dvigatel qismida yong‘in sodir bo‘lgan.
Voqea joyiga tuman FVB YXB o‘t o‘chiruvchilari yetib kelib, yong‘in to‘liq bartaraf etilgan. Ushbu yong‘in oqibatida tan jarohati olgan fuqarolar yo‘qligi qayd etildi.
