Toshkentda ko‘p qavatli binoda ko‘rpa sababli uy yonib ketdi (video)

Toshkent shahar Yangihayot tumanidagi ko‘p qavatli binoda ko‘rpa sababli uy yonib ketdi. FVV bu bo‘yicha ma‘lumotlarni taqdim etdi.

Unga ko‘ra,  19-iyun kuni soat 20:29 da Toshkent shahar Yangihayot tumani "Yangi Darxon” MFY Navo ko‘chasida joylashgan ko‘p qavatli uylarning yuqori qavatidagi xonadonda yong‘in sodir bo‘lgani to‘g‘risida FVBga xabar tushgan. 4 ta yong‘in-qutqaruv ekipaji va 2 ta avtonarvon soat 20:38 da voqea joyiga yetib borib, yong‘in soat 20:56 da o‘rab olingan va soat 20:59 da o‘chirilgan. 

Yong‘in natijasida 15-qavatdagi xonadonning 5 kv/m maydonida ko‘rpa yonib zararlangan. Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.

Mazkur ko'p qavatli binoda 18-iyun 16:15 larda ichida 11 kishi bo‘lgan lift pastga tezlik bilan tushib ketgan edi.