Qashqadaryo viloyatida 28-dekabr kuni svetoforning qizil chirog‘ida to‘xtab turgan Nexia-2 avtomobilida yong‘in chiqdi. Bu haqda “Zamon” informatsion dasturida ma’lum qilindi.
Nexia haydovchisining so‘zlariga ko‘ra, yong‘in kutilmaganda yuz bergan va u sherigi bilan o‘zini chetga olgan. Ijtimoiy tarmoqlarda tarqalgan videodan ko‘rish mumkinki, yonayotgan mashina harakatlanib borib, boshqa bir avtomobilga urilgan va unga ham shikast yetkazgan.
https://twitter.com/vodiybozor/status/1740303035249627372“Mashinam qiyalikda turgandi, alangani ko‘rib qo‘l tormozni tortishni esdan chiqardik. Bizning aybimiz bee’tibor bo‘lib, mashinani o‘z vaqtida texnik ko‘rikdan o‘tkazmaganimizda bo‘ldi”, — deydi haydovchi.
Hodisa joyiga bitta yong‘in-qutqaruv ekipaji yetib kelgan va ular olovni o‘chirgan. Hodisa oqibatida hech kim jarohat olmagan. Yong‘in natijasida Nexia to‘liq yonib ketgan.
Bundan oldin Toshkent viloyati Olmaliq shahrida avtobus bilan to‘qnashgan Cobalt, Andijonda esa Matiz yonib ketgani to‘g‘risida xabar berilgandi.
Izoh (0)