Jizzax viloyatida 18-sentabr kuni Nexia bilan to‘qnashgan yuk mashinasi yonib ketdi. Bu haqda viloyat IIB axborot xizmati xabar berdi.

Unga ko‘ra, holat 18-sentabr kuni soat taxminan 16:00 lar atrofida sodir bo‘lgan. Jizzax shahar hududidan o‘tgan 4R avtomobil yo‘lining birinchi kilometrida Howo rusumli yuk mashinasi va Nexia-2 o‘rtasidan to‘qnashuv bo‘lgan. Hodisa oqibatida Nexia yuk mashinaning gaz balloniga urilgan va yong‘in kelib chiqqan. Yuk mashinasi to‘liq yonib ketgan.

Og‘ir tan jarohati olganlar yo‘q, biroq Nexia-2 haydovchisi va yo‘lovchisiga birinchi tez tibbiy yordam ko‘rsatilgan.