Qashqadaryo viloyatining Ko‘kdala tumanida 103 tup daraxt noqonuniy ravishda kesib tashlangani aniqlandi. Bu haqda Bosh prokuratura matbuot xizmati xabar berdi.
Viloyat Ekologiya, atrof-muhitni muhofaza qilish va iqlim o‘zgarishi boshqarmasi hamda huquqni muhofaza qiluvchi organlar bilan hamkorlikda o‘tkazilgan tekshirishda ma’lum bo‘lishicha, 2025-yilning 11-fevral kuni Ko‘kdala tumani “Sho‘rquduq” mahallasi hududidagi yer maydonida fuqaro N.O. tomonidan yakka qator qilib ekilgan 103 tup ko‘ktol daraxtlari noqonuniy ravishda butunlay kesilgan.
Mazkur holat yuzasidan tuman prokuraturasi tomonidan Jinoyat kodeksining 198-moddasi 2-qismi (ekinzorlarni, o‘rmonlarni, daraxtlarni yoki boshqa o‘simliklarni shikastlantirish yoxud nobud qilish) bilan jinoyat ishi qo‘zg‘atilib, tergovni tashkillashtirish uchun tuman IIBga yuborilgan.
Holat Bosh prokuratura tomonidan nazoratga olingan.
Bosh prokuratura 2025-yil fevral oyida bergan ma’lumotga ko‘ra, O‘zbekistonda noqonuniy daraxt kesishga doir moratoriy joriy etilgunga qadar bo‘lgan davrga nisbatan bu kabi qonunbuzarliklar 60 foizga kamaygan.
Izoh (0)