Samarqand viloyati Bulung‘ur tumanida 10 ga yaqin manzarali daraxt kesib tashlangani aniqlandi.
![](/static/nigora/photo_2023-06-17_15-25-29.jpg)
Ekologiya, atrof-muhitni muhofaza qilish va iqlim o‘zgarishi vazirligi Samarqand viloyati boshqarmasining xabar qilishicha, 17-iyun kuni yashil belbog‘ (ihota) shaklida ekilgan qariyb 50-60 yoshlardagi 10 ga yaqin manzarali daraxtlar kesib tashlangan. O‘zini tanitishni istamagan fuqaro hududda qurilish qilishini bildirgan. Daraxtlarni kesish bo‘yicha esa, hech bir hujjat taqdim eta olmagan.
![](/static/nigora/photo_2023-06-17_15-24-17.jpg)
![](/static/nigora/photo_2023-06-17_15-25-41.jpg)
Ayni paytda ushbu holat yuzasidan tezkor ishchi guruh tuzilib, qonunda belgilangan tartib normalarga muvofiq o‘rganish ishlari olib borilmoqda.