Tabiat resurslari vazirligi Toshkent shahar boshqarmasi Yakkasaroy tumanida uzoq yillik chinor kesilgani yuzasidan ma’lumot berdi.
Ijtimoiy tarmoqlarda Yakkasaroy hokimiyati yaqinidagi Next savdo markazi oldidagi chinor kesib tashlangani tasvirlangan suratlar tarqaldi. Toshkent shahar Tabiat resurslari boshqarmasi Yakkasaroy tuman inspeksiyasi tomonidan holat o‘rganilgan.
Unga ko‘ra, Bobur ko‘chasi Next savdo markazining old tomonida joylashgan mazkur chinor daraxtlari tana qismi qurigani, yashovchanlik holati mavjud emasligi aniqlanib, Tabiat resurslari boshqarmasi mutaxassislari tomonidan berilgan xulosasiga ko‘ra, Toshkent shahar obodonlashtirish boshqarmasi brigadasi tomonidan kesish ishlari amalga oshirilgan.
Noqonuniy daraxt kesish holatlari
Bir necha kun oldin Farg‘onadagi chegara posti yaqinida 12 tup manzarali daraxt qo‘porib tashlangani to‘g‘risida xabar berilgandi. O‘zbekistonda 2022-yil davomida daraxt va butalarning noqonuniy kesilishi ortidan tabiatga 10 milliard so‘m zarar yetkazilgan. O‘tgan yilda jami 1 777 tup qimmatbaho va ko‘p yillik daraxtlar kesilgan. Vaziyat tahlil etilganda, qurilish obyektlari atrofini o‘rab olish natijasida daraxtlarning qarovsiz qolishi, shikastlanishi va nobud bo‘lish holatlari sodir etilayotgani aniqlangan.
Izoh (0)