Namanganda 15 yillik daraxtlar “yuqoridan kelgan buyruq” deya kesilayotgani aytilmoqda (foto)

Namangan viloyati Pop tumanidagi Chodak qishlog‘ida 15 yillik daraxtlar kesib tashlanayotgani haqida Telegram’dagi “Ekologuz” kanaliga murojaat kelib tushdi.

Xabar qilinishicha, daraxtlar tuman o‘rmon xo‘jaligi tomonidan “yuqoridan kelgan ko‘rsatma va buyruq” deb kesib tashlanmoqda.

“20-30 tadan ortiq daraxt kesildi, rejada hali ko‘p bor degan gaplar bor. ‘Yashil makon’ deb bong uriladi, shumi yashil makon?” — deydi murojaatchi.

Kanal ma’muriyati holat yuzasidan o‘z munosabatini bildirib o‘tgan.

Chodak qishlog‘iga turizm maqomi berilmaganmidi? Daraxtlar kimning buyruqlariga asosan kesilgan? Biz O‘rmon xo‘jaligi davlat qo‘mitasidan daraxtlarni kesish uchun berilgan buyruqni va nega daraxtlar kesib tashlanganini izohlab munosabat bildirishlarini so‘raymiz, — deyiladi unda.

Mavzuga doir:

• Toshkentda qimmatbaho daraxtlar kesib tashlanishi ortidan yetkazilgan 3,5 mlrd so‘mdan ortiq zarar undirildi
• Jizzaxda yo‘l bo‘yidagi 30 ga yaqin daraxt kesib ketildi
• “Malika” bozori ro‘parasidagi daraxtlarning beton qoplamalari olib tashlandi (foto va video)