Andijon viloyatida yana “daraxtkushlik” — Asaka tumanida 10 ga yaqin ko‘p yillik daraxt kesib yuborilgan. Bu haqda Davlat ekologiya qo‘mitasi xabar qildi.
Qayd etilishicha, dastlabki surishtiruv natijalariga muvofiq, Asaka tumani “Amir Temur” mahallasi hududidagi daraxtlarni kesishga qonunchilikda belgilangan tartibda ekologiya organi xulosasi va mahalliy davlat hokimiyatining ruxsatnomasi berilmagan.
Mazkur hududdagi daraxtlarni xususiy korxona rahbariyati tomonidan kesishga ruxsatnoma olish uchun Davlat xizmatlari markaziga murojaat qilinmagan.
Bosh prokuratura matbuot xizmatining ma’lum qilishicha, holat yuzasidan “Asaka v.l.” xususiy korxona rahbariga nisbatan Ma’muriy javobgarlik to‘g‘risidagi kodeksining 79-moddasi (daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) 1-qismi bo‘yicha to‘plangan ma’muriy javobgarlikka oid ish hujjatlari 9-fevral kuni sudga yuborilgan.
Ushbu holatda tabiatga 18 million 360 ming so‘m miqdorida zarar yetkazilgani aniqlangan.
Mavzuga doir:
Izoh (0)