Buxoro viloyati Qorako‘l tumanidagi “Muruvvat” nogironligi bo‘lgan erkaklar uchun internat uyi hovlisida 17 tup daraxt kesib tashlandi. Ekologiya boshqarmasi holat yuzasidan maʼlumot berdi.
Maʼlum qilinishicha, o‘rganishlar davomida, “Muruvvat” uyi hududidan 2 nafar fuqaro tomonidan 17 tup har xil turdagi daraxt kesib tashlanganligi aniqlandi. Holat yuzasidan 2 nafar huquqbuzarga nisbatan MJtKning 79-moddasi 1-qismi bilan maʼmuriy bayonnoma rasmiylashtirilib, 42 million 780 ming so‘m tabiatga yetkazilgan zarar hamda jarima qo‘llanildi.
Avgust oyida Samarqanddagi “Omonqo‘ton” milliy tabiat bog‘iga noqonuniy kirgan 5 kishi daraxtlar va o‘simliklarga zarar yetkazgani haqida xabar berilgandi.
Izoh (0)