Жаҳон сиёсатидаги навбатдаги қайноқ масала Эрон ядро дастури атрофидаги вазият бўлади. Бу ҳақда АҚШ президенти Дональд Трамп маълум қилди.
“Олдинда қизиқарли кунлар кутмоқда”, деди Трамп. Унинг сўзларига кўра, Эрон ядро қуролига эга бўлишиг йўл қўйиб бўлмайди.
“Муҳокама қилинадиган навбатдаги мавзу Эрон бўлади. Олдинда Эронни қизиқарли кунлар кутмоқда. Ҳозирча мен сизга фақат шуни айта оламан”, деб таъкидлади Америка раҳбари Оқ уйда журналистлар билан суҳбатда.
“Эрон ҳақида гап кетганда, биз охирги манзилга етиб келдик. Қизиқарли вақт бўлади. Кўрамиз, нима бўлишини. Биз охирги жойга етиб келдик. Улар ядро қуролига эга бўлишига йўл қўйиб бўлмайди”, деди Трамп.
У “тез орада нимадир содир бўлади” деб прогноз қилган. “Тинчлик келишувига эриша оламиз деб умид қиламан. Мен буни кучли ёки кучсизлигимиз учун айтмаяпман, шунчаки бошқа вариантдан кўра тинчлик битимини афзал кўришимни айтяпман. Аммо бошқа вариант муаммони ҳал қилади”, дея таъкидлади АҚШ президенти.
Изоҳ (0)