Португалия терма жамоаси ҳужумчиси Криштиану Роналду миллий терма жамоалар сафида урилган голлар сони бўйича янги жаҳон рекордини ўрнатди.
Футболчи УЕФА Миллатлар Лигаси ярим финалида Германия терма жамоасига қарши ўйинда (2:1) Португалия сафидаги 137-голини киритди.
Мазкур кўрсаткич бўйича иккинчи ўринда Аргентина терма жамоаси етакчиси Лионель Месси бормоқда. У терма жамоадаги фаолияти давомида 112 та гол урган.
Аввалроқ, 40 ёшли Роналду фаолияти давомида 937 та гол урганини маълум қилинган эди. Шундан 800 таси клуб даражасида, яна 137 таси эса Португалия терма жамоаси сафида киритилган.
Миллатлар Лигаси финалида Португалия терма жамоаси Испания ва Франция учрашуви ғолиби билан тўқнаш келади.
Маълумот учун, Роналду ўтган мавсум “Ан-Насср”нинг барча мусобақалар доирасидаги 41 та ўйинида майдонга тушиб, ўз ҳисобига 35 та гол ва 4 та голли узатма ёздириб қўйган. Футболчининг амалдаги шартномаси 2025 йил ёзигача мўлжалланган. Transfermarkt портали унинг қийматини 12 миллион еврога баҳолаган.
Изоҳ (0)