“Ан-Насср”нинг 39 ёшли ҳужумчиси Криштиано Роналду Европа футболига қайтиши мумкин.
Саудиялик журналист Алхаз Мутабнинг ижтимоий тармоқларда ёзишича, Роналдуга Леверкузеннинг “Байер” клуби қизиқмоқда. Қайд этилишича, футболчини шахсан мураббий Хаби Алонсо таклиф қилмоқчи. Испаниялик мутахассис тажрибали Роналдунинг Бундеслига ва Чемпионлар Лигасида “Байер”га ёрдам беришига ишонмоқда.
Криштиану Роналду 2023 йилда эркин агент сифатида “Ан-Насср”га ўтган эди. Жорий мавсумда Роналду барча турнирларда 42 та учрашувда қатнашиб, 42 та гол урди ва 12 та голли узатмани амалга оширди. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
Эслатиб ўтамиз, Португалия терма жамоаси Евро—2024 учун берган қайдномада Криштиану ҳам бор. Германияда бўлиб ўтадиган турнир 39 ёшли футболчи учун фаолиятидаги олтинчиси бўлади.
Изоҳ (0)