Forbes журнали сўнгги бир йил ичида энг кўп даромад олган спортчилар рейтингини эълон қилди. Унга кўра, Саудия Арабистонининг “Ан-Насср” клуби ва Португалия терма жамоаси ҳужумчиси Криштиану Роналду 275 миллион доллар билан биринчи ўринни эгаллади.
Роналду бу даромаднинг 225 миллион долларини футболдаги фаолияти — яъни маош ва бонуслар орқали, қолган 50 миллион долларини эса реклама шартномалари ҳамда бошқа тижорий лойиҳалардан топган. Бу кўрсаткич ўтган йилги натижага нисбатан 15 миллион долларга кўпроқдир.
Иккинчи ўринда америкалик баскетболчи Стивен Карри (156 млн доллар), учинчи ўринда эса британиялик боксчи Тайсон Фьюри (146 млн доллар) қайд этилган.
Аргентиналик юлдуз Лионель Месси эса бешинчи ўринни эгаллаб, йил давомида 135 миллион доллар ишлаб топди. Қизиқарли жиҳати шундаки, Месси майдон ташқарисидаги даромадлар бўйича (75 млн) Роналдудан устун, бироқ спортдаги даромадида (60 млн) анча ортда қолмоқда.
Forbes рейтингига кўра, энг кўп даромад қилган 10 нафар спортчи:
1. Криштиану Роналду (футбол, Португалия) — 275 млн доллар
2. Стивен Карри (баскетбол, АҚШ) — 156 млн
3. Тайсон Фьюри (бокс, Буюк Британия) — 146 млн
4. Дак Прескотт (Америка футболи, АҚШ) — 137 млн
5. Лионель Месси (футбол, Аргентина) — 135 млн
6. Леброн Жеймс (баскетбол, АҚШ) — 133,8 млн
7. Хуан Сото (бейсбол, Доминикана) — 114 млн
8. Карим Бензема (футбол, Франция) — 104 млн
9. Шоҳеи Отани (бейсбол, Япония) — 102,5 млн
10. Кевин Дюрант (баскетбол, АҚШ) — 101,4 млн
Изоҳ (0)