ФИФА ва FIFPro талқини бўйича йилнинг энг яхши футболчиларидан иборат рамзий терма жамоадан жой олишга даъвогар футболчилар рўйхати эълон қилинди.
Дастлабки рўйхатдан 26 нафар ўйинчи жой олган. Унда футболчиларнинг 2021 йилнинг 8 августидан 2022 йилнинг 18 декабрига қадар бўлган муддатда қайд этган натижалари инобатга олинган.
Якуний рўйхатни шакллантиришда бутун бўйича профессионал футболчиларнинг овози инобатга олинади.
Якуний рамзий терма жамоадан ўз позициясида энг кўп овоз олган дарвозабон, уч ҳимоячи, уч ярим ҳимоячи ва уч ҳужумчи жой олади. Яна битта жой қолган даъвогарлар ичида энг кўп овоз тўплаган исталган позициядаги ўйинчи (дарвозабондан ташқари) учун ажратилган.
Рамзий терма жамоадан жой олишга даъвогар ўйинчилар рўйхати:
Дарвозабонлар: Алиссон (“Ливерпуль”, Бразилия), Тибо Куртуа (“Реал”, Бельгия), Эмилиано Мартинес (“Астон Вилла”, Аргентина);
Ҳимоячилар: Жоао Канселу (“Манчестер Сити” / ”Бавария”, Португалия), Альфонсо Дэвис (“Бавария”, Канада), Виржил ван Дейк (“Ливерпуль”, Нидерландия), Ёшко Гвардиол (“Лейпциг”, Хорватия), Ашраф Ҳакими (“ПСЖ”, Марокаш), Тео Эрнандес (“Милан”, Франция) Антонио Рюдигер (“Челси” / ”Реал”, Германия), Тиаго Сильва (“Челси”, Бразилия);
Ярим ҳимоячилар: Жуд Беллингҳем (“Боруссия Д”, Англия), Каземиро (“Реал” / ”Манчестер Юнайтед”, Бразилия), Кевин де Брюйне (“Манчестер Сити”, Бельгия), Энсо Фернандес (“Ривер Плейт” / ”Бенфика” / ”Челси”, Аргентина), Гави (“Барселона”, Испания), Лука Модрич (“Реал”, Хорватия), Педри (“Барселона”, Испания), Федерико Вальверде (“Реал”, Уругвай);
Ҳужумчилар: Карим Бензема (“Реал”, Франция), Эрлинг Ҳоланд (“Боруссия Д” / ”Манчестер Сити”, Норвегия), Роберт Левандовски (“Бавария” / ”Барселона”, Польша), Килиан Мбаппе (“ПСЖ”, Франция), Лионель Месси (“ПСЖ”, Аргентина), Неймар (“ПСЖ”, Бразилия), Криштиану Роналду (“Манчестер Юнайтед” / ”Ан-Насср”, Португалия).
Йил рамзий терма жамоаси 27 февраль куни бўлиб ўтадиган The Best маросимида эълон қилинади.
Изоҳ (0)