Португалия терма жамоаси бош мураббийи Роберто Мартинес Криштиану Роналду 40 ёшида ҳам мамлакатнинг бош жамоаси сафида ўйнашни давом эттираётгани сабаби ҳақида гапирди.
Мартинес Тҳе Coachэс Воиcе нашрига берган интервьюсида шундай деди:
Роналду ҳақида гап кетганда, мен уни учта асосий омил асосида баҳолайман. Биринчиси – унинг истеъдоди: шубҳасиз у футбол тарихидаги энг буюк ўйинчилардан бири. Иккинчиси – тажрибаси: у Европа чемпионатида олти марта ўйнаган ягона футболчи ва 200 дан ортиқ халқаро ўйинда иштирок этган. Аммо унинг энг катта фазилати – фидойилиги. Криштианунинг Португалия шарафини ҳимоя қилишга бўлган иштиёқи бутун жамоани илҳомлантиради. Роналду миллий жамоада аввалги хизматлари учун эмас, ҳозирги ҳолати сабаб ўйнаяпти: жамоа сўнгги икки йилда 21 ўйин ўтказган бўлса, у 17 та гол урди.
Мартинес Португалия терма жамоасининг асосий мақсади ҳақида ҳам гапирди.
Португалия билан асосий орзумиз – ҳали ютмаган ягона совринимиз, Жаҳон чемпионатида ғолиб бўлиш. Босимдан қочиш эмас, балки уни қабул қилиш ва ўйинимизни намоён этиш муҳим, дейди Мартинес.
Роналду 2003 йилдан бери Португалия терма жамоаси шарафини ҳимоя қилиб келади. У миллий жамоа сафида 217 ўйин ўтказиб, 135 та гол урган. Ҳужумчи бу кўрсаткич бўйича халқаро футбол тарихидаги энг яхши тўпурар ҳисобланади.
Маълумот учун, Португалия терма жамоаси 21 март куни УЕФА Миллатлар Лигаси чорак финал доирасида Данияга қарши ўйин ўтказади.
Изоҳ (0)