Футбол майдонидаги юлдузлар нафақат ўз маҳорати, балки шахсий ҳаётлари билан ҳам кўпчиликнинг эътиборини тортади. Уларнинг оиласи, севги ҳикоялари ва айниқса рафиқалари ҳақида билиш доимо қизиқарли бўлади. Мақолада футбол оламининг энг чиройли жуфтликлари билан яқиндан танишасиз.
Виктория Бекхем — Девид Бекхемнинг турмуш ўртоғи
Спорт оламида энг таниқли жуфтликлардан бири: Виктория ва Девид 1990 йилларнинг охиридан бери жамоатчилик эътиборида. Улар 1997 йилда танишган, бир йилдан сўнг эса унаштирилган. Ўша пайтда Девид “Манчестер Юнайтед” жамоасида ўйнаган, Виктория эса Spice Girls гуруҳининг аъзоси эди.
Уларнинг тўрт нафар фарзанди бор: ўғиллари Бруклин Жозеф, Ромео Жеймс ва Круз Девид, шунингдек, қизи Харпер Севенни тарбиялашмоқда.
Жоржина Родригес — Криштиану Роналдунинг қаллиғи
Жоржина Родригес ва Криштиану Роналду замонавий футбол оламидаги энг ёрқин жуфтликлардан бири саналади. Улар 2017 йилда Жоржина ишлаган қимматбаҳо кийимлар дўконида танишган. Жуфтлик расмий никоҳда бўлмаса-да, Роналду ўзининг YouTube каналидаги чиқишлардан бирида Жоржинани “хотиним” деб айтган.
Уларнинг беш нафар фарзанди бор: Роналдунинг аввалги муносабатидан туғилган ўғли — кичкина Криштиану Роналду, суррогат онадан туғилган эгизаклар — Эва Мария ва Матео, шунингдек, умумий фарзандлари — қизлари Алана Мартина ва Белла Эсмералда.
Антонелла Рокуцсо — Лионель Мессининг рафиқаси
Антонелла Рокуцсо ва Лионель Месси болаликдан таниш. Месси Антонеллани бир кўришда севиб қолганини бир неча бор тан олган. Ҳатто, футболчи бу қиз келажакда унинг турмуш ўртоғи бўлишига ҳеч қачон шубҳа қилмаган.
Улар 2008 йилдан буён бирга яшаган. Месси ва Рокуцсо 2017 йилда расман турмуш қурган. Уларнинг уч нафар ўғли бор: Тиаго, Матео ва Чиро.
Пилар Рубио — Серхио Рамоснинг рафиқаси
Рўйхатдаги яна бир ёрқин жуфтлик — Серхио Рамос ва Пилар Рубио. Улар 2012 йилдан бошлаб учраша бошлашган. Рамос 2018 йилда Россияда ўтган футбол бўйича жаҳон чемпионатидан сўнг Пиларга турмуш қуриш таклифини билдирган.
Эр-хотиннинг тўрт нафар ўғли бор: Серхио, Марко, Алехандро ва Максимо.
Анна Левандовска — Роберт Левандовскийнинг жуфти
Анна ва Роберт 2007 йилда танишган. Анна профессионал тарзда каратэ билан шуғулланган ва бу спорт тури бўйича бир неча бор мусобақаларда ғолиб чиққан. Роберт унга 2011 йилда турмуш қуришни таклиф қилган, 2013 йилда эса тўйлари бўлган.
Жуфтлик Клара ва Лаура исмли икки нафар қиз фарзандни вояга етказмоқда.
Сара Гюндоган — Илкай Гюндоганнинг рафиқаси
Илкай ва Сара 2021 йилда ижтимоий тармоқлар орқали танишган. Уларнинг муносабатлари жуда тез ривожланган ва ярим йил ўтмай, Илкай унга турмуш қуришни таклиф қилган. 2022 йилнинг май ойида улар расмий равишда эр-хотин бўлишди.
2023 йилнинг март ойида уларнинг илк фарзанди — Кайс исмли ўғли дунёга келди.
Мишел Герциг — Тибо Куртуаннинг рафиқаси
Тибо Куртуа ва Мишел Герциг ҳам ижтимоий тармоқларда танишган. Улар 2021 йилда учрашишни бошлашган, икки йил ўтиб эса никоҳдан ўтишган. Тўй арафасида Тибо ва Мишел Испания нашри Vanity Fair журналининг муқовасида ҳам пайдо бўлган.
Апрель ойида Мишел уларнинг биринчи фарзанди — Элли исмли қизини дунёга келтирди. Тибонинг аввалги муносабатларидан Марта Домингес билан икки фарзанди бор.
Мишел Лакруа — Кевин де Брейненинг рафиқаси
Мишел ва Кевин ҳам 2013 йилда ижтимоий тармоқларда танишган.
2016 йилда жуфтликнинг биринчи фарзанди Мэйсон Милиан дунёга келган. Бир йил ўтиб, Кевин ва Мишел турмуш қуришган. 2018 йилда иккинчи фарзанд — Роум туғилган. 2020 йил сентябрьда эса қизалоқ Сури дунёга келган.
Изабел Ҳаугсен ЁХансен — Эрлинг Ҳоланднинг севгилиси
Эрлинг ва Изабел болаликдан таниш, Норвегия “Брюне” футбол академияларида бирга шуғулланган. Ёшлар орасидаги дўстлик, Эрлинг Дортмунднинг “Боруссия” жамоасида ўйнаган вақтида романтик муносабатларга айланган.
Октябрь бошида Норвегия ва Словения ўртасидаги Лигалар ўйинидан сўнг (3:0) Ҳоланд ота бўлишини эълон қилган.
Ана Иванович — Бастиан Швайнштайгернинг рафиқаси
Ана Иванович собиқ профессионал теннисчи ва Франция Очиқ чемпионати “Роланд Гаррос” ғолибаси. Ана ва Бастиан 2014 йилда учрашишни бошлаган, икки йил ўтиб эса турмуш қурган.
Улар Лука ва Леон исмли икки ўғилни тарбиялаяпти.
Изоҳ (0)