Криштиану Роналду 5 та Жаҳон Чемпионатида гол урган тарихдаги илк футболчига айланди

Португалия терма жамоаси ҳужумчиси Криштиану Роналду ЖЧ—2022 1-тури доирасида кечган Ганага қарши учрашувда (3:2) гол муаллифига айланди.

Бу Роналду учун мундиаллардаги 8-гол бўлди. Бу орқали Криштиану Диего Марадона, Руди Фёллер ва Ривалдога етиб олди. Бундан ташқари Лионель Мессини (7) ортда қолдирди.

Криштиану 5 та мундиалда гол урган илк футболчига айланди. Португалиялик футболчи бу борада тўртта Жаҳон Чемпионатида тўп киритган Пеле (Бразилия), Уве Зеелер, Мирослав Клозе (иккиси Германия) ва Мессидан (Аргентина) ўзиб кетди.

Португалия сардори Жаҳон Чемпионатларида қатнашиш бўйича рекордни такрорлади. Бу Роналду учун 5-мундиал бўлди. Ундан аввал бундай натижага Антонио Карбахал (Мексика), Лотар Matteус (Германия), Рафа Маркес (Мексика), Жанлуижи Буффон (Италия) ва Месси (Аргентина) эришганди.