Саудия Арабистонининг “Ан-Насср” клуби тажрибали ҳужумчи Криштиану Роналду билан хайрлашиши мумкин. Бу ҳақда Marca нашрига таяниб Championat хабар бермоқда.
Маълумотларга кўра, бугун, 29 май куни клуб матбуот анжумани ўтказади. Унда таркиб ва бошқарувдаги бир қатор ўзгаришлар ҳақида расмий баёнот берилиши кутилмоқда. Шунингдек, тадбир давомида Роналду билан хайрлашишни ҳам эълон қилиши мумкин.
Жорий мавсум “Ан-Насср” Саудия Про Лигасида 70 очко тўплади ва турнир жадвалининг учинчи поғонасидан жой олди. Улар чемпион “Ал-Иттиҳод”дан 13 очкога ортда қолди. 40 ёшли Роналду эса мусобақанинг энг яхши тўпурарига айланди. Португал ҳужумчиси 25 та гол уришни уддалади.
Маълумот учун, Роналду 2023 йилдан бери “Ан-Насср” шарафини ҳимоя қилмоқда. Унинг клуб билан шартномаси 30 июнь куни якунига етади.
Изоҳ (0)