Футбол бўйича Миллатлар Лигасининг 5-тур ўйинлари 14 ноябрь, шанба куни старт олди.
Германия терма жамоаси ўз майдонида Украинани қабул қилди. Андрей Шевченко жамоасидаги бир неча ўйинчида коронавирус аниқланганига қарамай, ўйин ўтказилди. Дастлаб меҳмонлар Роман Яремчукнинг голи эвазига олдинга ўтиб олди. Бунга майдон эгалари Тимо Вернернинг дубли ва Лерой Саненинг голи билан жавоб қайтарди.
Гуруҳнинг иккинчи ўйинида Испания термаси Швейцария меҳмони бўлди. Учрашувнинг 26-дақиқасида Ремо Фройлер мезбонларни ҳисобда олдинга олиб чиқди. Бунга испанлар сўнгги дақиқаларда Херар Моренонинг голи билан жавоб қайтарди. Эътиборлиси, испанлар сардори Серхио Рамос икки марта пенальтидан фойдалана олмади.
А Лига 4-гуруҳида немислар 9 очко тўплаган ҳолда пешқадамликни ўз қўлига олди. Испания ҳисобида эса 8 очко бор. Украина (6) ва Швейцария (3) эса кейин ўринларда қолмоқда.
Португалия терма жамоаси ўз майдонида Францияни қабул қилди. Иккинчи бўлим дебютида Нголо Канте томонидан урилган гол ўйин тақдирини ҳал қилиб берди. Гуруҳнинг параллел учрашувида Швеция терма жамоаси Хорватиядан устун келди.
5-турдан кейин А Лига 3-гуруҳида Франция 13 очко билан пешқадам бўлиб турибди. Кейинги ўринда Португалия (10) бормоқда.
Миллатлар Лигаси
5-тур баҳслари
14 ноябрь, шанба
Германия — Украина 3:1
Голлар: 0:1 – 12 Яремчук, 1:1 – 23 Сане, 2:1 – 33 Вернер, 3:1 – 64 Вернер.Германия: Нойер, Зюле, Макс, Кох, Рюдигер, Сане (Вальдшмидт, 86), Горетцка, Гнабри, Гундўған, Гинтер, Вернер (Брандт, 76).
Украина: Пятов, Конопля, Матвиенко, Собол, Зинченко (Харатин, 86), Марлос, Малиновский, Зубков (Михайличенко, 74), Степаненко (Макаренко, 69), Забарный, Яремчук (Мораес, 75).
Огоҳлантиришлар: Рюдигер (28), Малиновский (44).
Швейцария — Испания 1:1
Голлар: 1:0 – 26 Фройлер, 1:1 – 89 Херар Морено.Четлатиш: Эльведи (79) — Швейцария.
Португалия — Франция 0:1
Гол: 0:1 – 53 Канте.Португалия: Руй Патрисиу, Жоау Канселу, Рубен Диаш, Фонте, Геррейру, Данилу Перейра (Сержиу Оливейра, 85), Бруну Фернандеш (Моутинью, 72), Бернарду Сильва (Тринкау, 72), Вильям Карвалью (Диогу Жота, 56), Жоау Феликс (Паулинью, 85), Роналду.
Франция: Льорис, Варан, Кимпембе, Люка Эрнандес, Павар, Погба, Рабьо, Канте, Коман (Тюрам, 59), Марсьяль (Жиру, 78), Гризманн.
Огоҳлантиришлар: Данилу Перейра (31), Льорис (62), Канте (79), Люка Эрнандес (82).
Швеция — Хорватия 2:1
Голлар: 1:0 – 36 Кулусевски, 2:0 – 45 Даниэлссон, 2:1 – 81, автогол Даниэлссон.Сан-Марино — Гибралтар 0:0
Мальта — Андорра 3:1
Голлар: 0:1 – 3 Ребес, 1:1 – 55, автогол Гарсия, 2:1 – 58 Дегабриэле, 3:1 – 90 Димек.Латвия — Фарер ороллари 1:1
Голлар: 1:0 – 59 Камеш, 1:1 – 60 Ватнхамар.Кипр – Люксембург 2:1
Голлар: 0:1 – 5, автогол Кусулос, 1:1 – 34, пенальти Кастанос, 2:1 – 70 Кастанос.Озарбайжон — Черногория 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)