“Ан-Насср” ҳужумчиси Криштиану Роналду фаолиятини давом эттириш бўйича икки вариант устида ўйламоқда. Бу ҳақда Footmercato нашри хабар берди.
Манбага кўра, биринчи вариант — 40 ёшли португалиялик футболчи Саудия Арабистонининг “Ан-Насср” клуби билан амалдаги шартномасини узайтириш. Риёдликлар аллақачон унга янги шартнома таклиф қилгани айтилмоқда.
Иккинчи вариант — Роналду “Ал-Ҳилол”га ўтиш. Неймар жамоани тарк этганидан сўнг, Риёднинг бошқа клуби Криштиануни ўз сафга қўшиб олишни истамоқда. Бундан ташқари, “Ҳилол”нинг Клублар ўртасидаги Жаҳон чемпионатида иштирок этиши Роналдунинг қарор қабул қилишида муҳим омил бўлиб хизмат қилиши мумкин.
Риёднинг бу икки клуби азалдан кучли рақиб ҳисобланади. Шу боис, Роналду Жаҳон чемпионатида қатнашиш учун “Ал-Ҳилол”га ўца, кўплаб танқидлар остида қолиши мумкинлиги айтилмоқда.
Аввалроқ ОАВда Роналду “Ан-Наср”ни тарк этиши мумкинлиги ҳақида хабарлар чиққан эди. Бунга футболчининг клубдаги фаолияти давомида айтарли соврин ютолмагани сабаб бўлган.
Шунингдек, кеча, 27 май куни ҳужумчика Мексика клубидан жиддий таклиф бўлганлиги ҳақида хабарлар тарқалганди.
Изоҳ (0)