FIFA президенти Жанни Инфантино IShowSpeed YouTube каналида интервью берди. У мазкур суҳбатда июнь июль ойлари АҚШда ўтказиладиган Клублар ўртасидаги Жаҳон чемпионатида Криштиану Роналдунинг қатнашиш эҳтимоли ҳақида гапирди.
Машҳур стример ва Роналдунинг ашаддий мухлиси бўлган Speed португалиялик футболчининг турнирда иштирок этиши эҳтимоли ҳақида савол берди, Инфантино эса бу мумкинлигини истисно қилмади:
Кристиану Роналду ушбу жамоалардан бирида тўп суриши мумкин. Баъзи клублар билан музокаралар олиб борилмоқда. Шундай экан, агар буни ўқиётган ёки видеони томоша қилаётган клублар бўлса, Роналдуни Клублар ўртасидаги Жаҳон чемпионатига жалб қилишингиз мумкин. Ҳали вақт бор, дейди FIFA президенти.
https://x.com/CabineSport/status/1925997912569282814?ref_src=twsrc%5Etfw%7Ctwcamp%5Etweetembed%7Ctwterm%5E1925997912569282814%7Ctwgr%5E208f62059058e080bb6639b4c3491f08a93f1733%7Ctwcon%5Es1_c10&ref_url=https%3A%2F%2Fwww.goal.com%2Fen%2Flists%2Fcristiano-ronaldo-fifa-president-gianni-infantino-ishowspeed-cr7-shock-transfer-bizarre-youtube-show-appearance-promote-club-world-cup%2Fblt84669d876a164603
Узоқ йиллардан бери Инфантино ушбу турнирни кенгайтириш устида иш олиб бормоқда. Бироқ унинг оммалаштирилиши унчалик катта муваффақият қозонмаган. Дунёдаги энг кучли клублари ва футболчиларининг иштирокига қарамай, бу мусобақага қизиқиш ҳамон пастлигича қолмоқда. Инфантино эса турнир бошланишига бир ой қолганида уни тарғиб қилиш учун ҳаттоки Роналдунинг трансфери ҳақидаги миш-мишлардан ҳам фойдаланмоқда, дейилади Goal нашрида.
Маълумот учун, Роналдунинг “Ан-Насср”даги келажаги ҳамон мавҳумлигича қолмоқда. Ҳужумчига бир қанча клублар қизиқиш билдиргани ҳақида миш-мишлар бор, аммо бу борада аниқ маълумотлар йўқ.
Изоҳ (0)