Португалия терма жамоаси ва “Ан-Насср” клуби ҳужумчиси ажойиб Криштиану Роналду сермаҳсуллик намойиш этмоқда. Opta нашри маълумотларига кўра, футболчи 30 ёшдан кейин Португалия терма жамоаси сафида 84 та гол урган.
Кўпчилик футболчилар 30 ёшдан сўнг натижадорлигини йўқотади, аммо Роналду бундай футболчилар қаторига кирмайди. У аксинча, бу ёшдан кейин ҳам юқори темпда ўйнашда давом этиб, фаолиятидаги энг сермаҳсул йилларини ўтказмоқда.
Ҳужумчи 30 ёшга тўлгач, 84 та гол урган ва бу кўплаб футбол афсоналарининг бутун фаолияти давомида терма жамоа сафида қайд этган натижасидан ҳам кўпроқ.
Мисол учун, бразилиялик футболчи Неймар бутун фаолияти давомида терма жамоада 79 та гол урган, афсонавий ҳужумчи Пеледа эса бу кўрсаткич 77 тани ташкил қилади. Жаҳон чемпионатлари тўпурари Мирослав Клозе эса Германия терма жамоаси сафидаги бутун фаолияти давомида 71 марта рақиб дарвозасини ишғол қилган.
Маълумот учун, 23 март куни Португалия терма жамоаси Данияга қарши баҳс олиб борди. Унда майдон эгалари 5:2 ҳисобида ғалаба қозониб (умумий ҳисоб — 5:3), Миллатлар Лигаси ярим финали йўлланмасига эга чиқди. Португалиялик ҳужумчи Криштиану Роналду жамоасининг ўйиндаги 2-голини киритиб, ғалаба учун ўз ҳиссасини қўшди.
Изоҳ (0)