Қаршининг “Насаф” клуби устози Рўзиқул Бердиев Ўзбекистон Суперкубоги доирасидаги “Андижон”га қарши баҳсдан кейин “аждарлар”нинг трансфер имкониятлари ҳақида гапирди.
53 ёшли мутахассис Элит Осиё Чемпионлар Лигаси олдидан “Насаф”нинг трансфер сиёсати ҳамда эркин агентга айланишга яқин турган португалиялик ҳужумчи Криштиану Роналдунинг Қарши клубига эҳтимолий трансфери ҳақида тўхталди:
Ҳаммага маълумки, клублар “Насаф”нинг номдор трансферларни амалга ошириш учун имконияти яхши эмас. Бу нафақат бизда, балки исталган ўзбек клубида кузатиладиган ҳолат. Шу боис, эркин агент мақомида бўлган футболчилар билан шартнома имзолашга ҳаракат қиламиз. Элит Осиё Чемпионлар Лигаси олдидан таркибимизни кучайтиришга ҳаракат қиламиз. Роналду ҳозир эркин агент? Менимча, “Насаф” Роналдуни эмас, Роналду “Насаф”ни сотиб олишга қурби етади, дейди Рўзиқул Бердиев.
Эслатиб ўтамиз, “Насаф” 27 май, сешанба куни “Насаф” Ўзбекистон Суперкубоги доирасида “Андижон”ни 1:0 ҳисобида мағлуб этиб, бош совринга эга чиқди. Учрашувдаги ягона голни Ҳусайн Норчаев пенальтидан киритди.
Шу тариқа, Рўзиқул Бердиев шогирдлари ўз тарихида тўртинчи бор Суперкубок соҳибига айланди.
Изоҳ (0)