“Интер Майами” ҳужумчиси Лионель Мессига Саудия Арабистонининг тўртта клуби — “Ал-Аҳли”, “Ал-Ҳилол”, “Ал-Иттиҳод” ва “Ан-Насср” жиддий қизиқиш билдирмоқда. Бу ҳақда TEAMtalk нашри хабар берди.
Аввалроқ Саудия Арабистонининг Давлат инвестиция жамғармаси (ПИФ) Месси билан трансфер бўйича музокараларни қайта бошлагани ҳақида маълумотлар пайдо бўлган эди.
Ҳозирча аргентиналик футболчи бу таклифга тайёр эканлигини аниқ билдиргани йўқ. Агар Месси трансферга тайёрлигини билдирса, унда қайси клубга ўтиши масаласи кейинги босқич музокаралар мавзусига айланади. Ҳозирда “Ал-Аҳли”, “Ал-Ҳилол”, “Ал-Иттиҳод” ва “Ан-Насср” ҳам Леони ўз сафига қўшиб олишдан манфаатдор.
Манда айтилишича, Саудия Арабистони Мессини Криштиану Роналду билан бир қаторда лига юзига айлантирмоқчи. Агар аргентиналик юлдуз рози бўлса, трансфер ёзда ёки 2026 йилнинг бошида амалга ошиши мумкин.
Эслатиб ўтамиз, Месси ҳозирги шартномаси муддати тугашидан олти ой олдин, яъни 1 июлдан бошлаб, бошқа клублар билан эркин агент сифатида музокара ўтказиш ва келишув имзолаш ҳуқуқига эга бўлади.
Изоҳ (0)