“Манчестер Юнайтед” ярим ҳимоячиси Бруну Фернандеш 2024/25 йилги мавсумда мухлислар томонидан клубнинг энг яхши футболчиси деб топилди. Бу ҳақда CBS Sports хабар бермоқда.
Фернандеш клубда 1987/88 йилдан бери бериладиган сер Матт Басби номидаги совринга тўртинчи бор эга чиқди. Португал футболчиси бунга қадар 2020, 2021 ва 2024 йилларда ҳам ушбу совринни қўлга киритган эди. Шу тариқа португалиялик футболчи бу борада Де Хеа ва Роналдунинг натижасини такрорлади – улар ҳам ушбу совринни тўрт мартадан қўлга киритган.
Ғолиблик йўлида Фернандеш Амад Диалло ва Ҳарри Магуайрни ортда қолдирди. 2024/25 йилги мавсумда Бруно 54 та ўйинда майдонга тушиб, 19 та гол урди ва 19 та голли узатмага муаллифлик қилди.
Яқинда биз бу мавзуда Зиркзе билан ҳазиллашдик. У: “Қизиқ, бу сафар мукофотни ким оларкан?” деб киноя қилди. Мен эса жамоадошларим жуда яхши мавсум ўтказишига умид қилиб: “Умид қиламанки, келаси мавсумда яна кучли ўйнайман, лекин ҳатто номзодлар қаторига ҳам кира олмайман”, деб жавоб бердим. Агар шундай бўлса, бу мени энг бахтли инсон қилади. Мен уларга ёрдам бериш учун тайёрман, деди Фернандеш.
Англия чемпионатининг якунига икки тур қолганда “Манчестер Юнайтед” 39 очко билан 16-ўринни эгаллаб турибди. Шунга қарамай, Рубен Аморим бошчилигидаги жамоа ҳали ҳам Европа Чемпионлар Лигасига чиқиш имкониятини сақлаб қолган. Бунинг учун улар 21 май куни бўлиб ўтадиган Европа Лигаси финалида Лондоннинг “Тоттенҳэм” клубини мағлуб этиши керак.
Бруну Фернандеш “Манчестер Юнайтед” сафига 2020 йилнинг январида қўшилган. У бунгача “Спортинг”, “Новара”, “Удинезе” ва “Сампдория” жамоаларида тўп сурган. Португалия терма жамоаси сафида 78 ўйинда майдонга тушиб, 25 та гол киритган.
Изоҳ (0)