Мексиканинг “Монтеррей” жамоаси Клублар ўртасидаги Жаҳон чемпионати олдидан “Ан-Насср” ҳужумчиси, португалиялик футболчи Криштиану Роналдуни ўз сафига қўшиб олишга ҳаракат қилмоқда. Бу ҳақда журналист Николо Скира хабар берди.
Манбага кўра, “Монтеррей” ҳимоячиси Серхио Рамос 40 ёшли футболчини жамоага ўтишга кўндиришга ҳаракат қилмоқда. Ушбу футболчилар ўз вақтида Мадриднинг “Реал” клубида бирга ўйнашган. Шу боис кўплаб манбалар португалиялик ҳужумчи мексикаликлар сафига ўтишини тахмин қилмоқда.
Эслатиб ўтамиз, Клублар ўртасидаги Жаҳон чемпионати 15 июндан 13 июлгача АҚШ майдонларида бўлиб ўтади. “Монтеррей” “E” гуруҳида “Интер”, “Ривер Плейт” ва “Урава Ред Даймондс” жамоаларига қарши баҳс олиб боради.
Маълумот учун, “Ан-Насср” Саудия Арабистони чемпионатини 70 очко билан учинчи ўринда якунлади. Улар чемпион бўлган “Ал-Иттиҳод”дан 13 очкога ортда қолди. Роналду эса мавсум давомида 25 та гол уриб, турнирнинг энг яхши тўпурарига айланди.
Аввалроқ Роналду ўзининг Twitterъдаги саҳифасида риёдликлар сафидан кетиши мумкинлигига ишора қилган эди.
Изоҳ (0)