“Ан-Насср” ва Португалия терма жамоаси ҳужумчиси Криштиану Роналду Саудия Арабистони Про Лигаси 34-тури доирасидаги “Ал-Фатеҳ”га қарши баҳсда (2:3) жамоаси мағлуб бўлгач, ижтимоий тармоқлардаги саҳифасида изоҳ қолдирди.
Кўплаб нашрлар Роналду бу орқали Риёд клубидан кетишига ишора қилганини тахмин қилмоқда:
Яна бир боб якунланди. Тарих эса ҳали ёзилмоқда. Барчага миннатдорчилик билдираман, деб изоҳ қолдирди Роналду Х (собиқ Twitter) ижтимоий тармоғидаги саҳифасида.
Маълумот учун, “Ан-Насср” Саудия Арабистони чемпионатини 70 очко билан учинчи ўринда якунлади. Улар чемпион бўлган “Ал-Иттиҳод”дан 13 очкога ортда қолди.
Роналду эса мавсум давомида 25 та гол уриб, турнирнинг энг яхши тўпурарига айланди. Аввалроқ ОАВда Криштиану Клублар ўртасидаги Жаҳон чемпионатида иштирок этиш учун бошқа жамоага ўтиши мумкинлиги ҳақида хабарлар тарқалган эди. Шунингдек, унга турли қитъалардан бешта клуб қизиқиш билдираётгани айтилди.
FIFA президенти Жанни Инфантино ҳам стример IShowSpeed’га интервью бериб, португалиялик ҳужумчи АҚШдаги ЖЧда қатнашиши мумкинлиги ва харидорлар футболчини қўлга киритиш учун ҳаракат бошлаши кераклиги борасида фикр билдирган эди.
Изоҳ (0)